FFM
Anulohet stinori në Maqedoninë Veriore
4 June, 2020 @15:50
Pas rasteve të shumta të paraqitura me coronavirus në ditët e fundit dhe mbledhjes së jashtëzakonshme të mbajtur sot nga Federata e Futbollit të Maqedonisë Veriore (FFM) është marrë vendim që kampionati 2019/20 të ndërprehet.
Në Maqedoninë Veriore së pari si pozitiv u paraqitën katër persona te ekipi i Renovës e pastaj edhe dy të tjerë te Shkëndija.
Përkundër kësaj, kampionati mendohej të vazhdohej, por pas rasteve që kapën shifrën e mbi 200 të infektuarve në Maqedoninë Veriore brenda 3-4 ditëve të fundit, u vendos që kampionati të ndërprehet.
FFM nuk ka vendosur ende se cilat skuadra do të garojnë në gara evropiane stinorin tjetër si dhe a do të shpallin kampionin sipas gjendjes aktuale në tabelë.
Vardari lider, ka 10 pikë më shumë sesa Sileksi ndjekës dhe 11 më shumë sesa Shkëndija, që është e treta në renditje.
