Etrit Berisha rikthehet në ekip

Pas sfidës me Kilin, kombëtarja shqiptare ka mbyllur përgatitjet për miqësoren e dytë të marsit ndaj Suedisë. Kuqezinjtë kanë zhvilluar seancat stërvitore para ndeshjes.

Departamenti i Komunikimit në FSHF bën me dije se Etrit Berisha ka udhëtuar me ekipin për sfidën ndaj Suedisë. Pas dëmtimit të pësuar, gjendja e portierit kuqezi është më e mirë dhe do të monitorohet gjatë gjithë kohës nga stafi mjekësor.

Kombëtarja ka mbyllur përgatitjet për sfidën ndaj Suedisë dje, me seancën e fundit stërvitore që u zhvillua në stadiumin e ndeshjes.

Sfida Suedi-Shqipëri do të luhet më datë 25 mars në ora 19:00, në stadiumin “Friends Arena”. Suedia në miqësoren e këtij muaji u mposht nga Portugalia me rezultat 5-2, ndërsa Shqipëria u mposht 3-0 ndaj Kilit.