MIQËSORJA
Arda mungon ndaj Kosovës
2 May, 2014 @17:54
Me kualifikimin e Atletico Madridit në finale të Ligës së Kampionëve, ylli më i madh i së sotmes në futbollin turk, Arda Turan, do të mungojë në ndeshjen miqësore që vendi i tij e zhvillon ndaj Kosovës në Mitrovicë, më 21 maj.
Finalja e Ligës së Kampionëve ndërmjet Real Madrid dhe Atletico Madrid luhen më 24 maj në Lisbonë të Portugalisë, që do të thotë se ylli turk nuk do të jetë në dispozicion të trajnerit Fatih Terim për miqësoren me Kosovën në Adem Jashari të Mitrovicës.
Ndeshja Kosova-Turqia do të jetë ndeshja e dytë zyrtare miqësore e Kosovës, derisa aty pritet të mungojnë edhe kosovarët që luajnë në ekipet skandinave, ku kampionati ka filluar tash.
