Rënia e madhe e Serie A, vazhdon

Futbolli italian pësoi edhe një goditje të madhe mbrëmë. Këtë jo vetëm për shkak të eliminimit të Juventusit nga gjysmëfinalja, por duke i falenderuar kësaj disfate të kampionit italian, Primeira Liga e Portugalisë ka kaluar Serie A-në në renditjen e ligave të UEFA-së, që ka shkaktuar rënien e njëherë kampionatit më të fuqishëm të futbollit në vendin e pestë të renditjes. 

Ky vit, është viti më i keq i renditjes së ligës elite italiane që nga viti 1984. 

Sigurimi i finales së Europa League nga Benfica, pa marrë parasysh a e fiton atë apo jo, i garanton Primeira Ligës portugeze nisje të stinorit 2014/15 me 52.133 pikë, derisa Serie A bie për një pozitë me 51.510 pikë, thonë llogaritë e UEFA-së. 

Në vendin e parë të renditjes së ligave europiane të UEFA-së, që luan rol të madh në garantimin e pjesëmarrësve në garat e ardhshme europiane, La Liga e Spanjës vazhdon të jetë e para, derisa Premier League e Anglisë është e dyta, para Bundesligës gjermane. 

Nëse ekipet italiane nuk arrinë në gjysmëfinale të një gare europiane stinorin tjetër dhe nëse ekipet ruse ose françeze arrijnë një nivel të tillë - Serie A, do të mund të dërgojë vetëm 2 përfaqësues në Ligë të Kampionëve. 

FAKT: