ARBËRIA - DUKAGJINI
Arifaj në formë, Dukagjini fiton me goleadë
23 September, 2018 @19:17
Në ballafaqimin e zhvilluar sot në “Sami Kelmendi” të Lipjanit, skuadra e Dukagjinit ka arritur ta mposhtë me rezultat 3-6 skuadrën vendase të Arbërisë.
Ndeshja ishte tejet atraktive dhe prodhoi 9 gola, ndërsa fitores iu gëzuan mysafirët nga Klina, të cilët të udhëhequr nga Granit Arifaj, i cili shënoi hat-trick, e arritën fitoren e tretë sezonale. Përveç Arifajt, për Dukagjinin sot shënuan edhe Met Millaku, Arbnor Gashi dhe Altin Merlaku.
Kjo fitore bën që Dukagjini të ketë pikë të barabarta me Vëllaznimin lider, kurse Arbëria mbetet në vendin e gjashtë.
