Arma kryesore mungon në ndeshjen kryesore

Polonia, që është rival i Shqipërisë në Grupin I kualifikues për botërorin në Katar 2022, do të jetë e hendikepuar në përballjen më të rëndësisshme për ta në grup.

Informatat e fundit nga mediat botërore kanë bërë të ditur se sulmuesi më në formë në krejt Evropën, Robert Lewandowski, është lënduar dhe nuk do të jetë në gjendje të luajë ndaj Anglisë.

Anglia dhe Polonia llogariten ekipet me gjasa më të mëdha për lidershipin e grupit, që sjell biletën direkte për Katar.

TABELA AKTUALE dhe ORARI I NDESHJEVE

Ndërsa Lewandowski, që është duke bërë kërdi me gola në secilën garë ku po luan, qoftë me Bayernin qoftë me Poloninë, për shkak të lëndimit të ligamenteve të gjurit në përballje ndaj Andorrës së fundi, nuk do të jetë në dispozicion të ekipit.

Lewa në dy ndeshjet e fundit kualifikuese për Poloninë shënoi 3 herë, një ndaj Hungarisë dhe dy ndaj Andorrës dje, derisa u desht të dalë nga loja pas lëndimit të pësuar.