Armenia afër trajnerit të ri

Përfaqësuesja armene, që pas humbjes nga Shqipëria në kualifikime për EURO 2016 mbeti pa trajner pas dorëheqjes së zviceranit Bernard Challandes, është shumë afër që të emërojë trajnerin e ri të saj. 

Mediat ruse kanë shkruar ditë më parë se drejtuesit e Federatës armene kanë biseduar me legjendën e futbollit rus, Valeriy Karpin. 

Sipas këtyre mediave, transmeton serbja Blic, Karpinit 48 vjeç i është ofruar posti i selektorit të Armenisë deri në fund të ciklit kualifikues për EURO 2016. 

Karpin, ka drejtuar Spartak Moskën në dy periudha të ndryshme, ndërsa së fundi ka qenë trajner i Mallorcas.