RIVALI
Armenia publikon orarin
26 March, 2015 @10:50
Kundërshtari i radhës i Shqipërisë në kualifikime për EURO 2016, Armenia, ka nisur stërvitjet pasi që u grumbulluan të gjithë futbollistët.
Stërvitjet kanë kaluar në atmosferë të mirë, bëjnë të ditura mediat e atjeshme, derisa pak më parë Federata e Futbollit Armen, ka bërë të ditur edhe orarin e stërvitjeve të kombëtares së tyre në Shqipëri.
Kështu, armenët udhëtojnë me aeroplan privat drejt Shqipërisë më 27 mars, kurse më 28 mars, pra një ditë para ndeshjes, do të kenë seancën e fundit stërvitore para ndeshjes me Shqipërinë në Elbasan Arena, ku do të organizojnë edhe konferencën për shtyp para ndeshjes.
