Arsenal përgatitet për zëvendësimin e Wengerit

Trajneri më me përvojë i Premier Ligës aktualisht, Arsene Wenger, mund të mos jetë më trajner i Arsenalit. Sipas një njoftimi të botuar në Goal.com sot, drejtuesit e ekipit që tash kanë nisur të përgatisin terrenin për zëvendësuesin e tij.

Eddie Howe (38 vjeç), trajner i Bournemouthit shihet si zëvendësim i Wengerit në krye të Arsenalit, ndërsa sinjalet kanë qenë të qarta edhe nga vetë francezi Wenger.

“Kontrata ime përfundon në fund të stinorit. Se çka do të ndodh pastaj varet nga mbarëvajtja e këtij stinori,” kanë qenë fjalët e 66 vjeçarit.

Ndërsa Ivan Gazidis, shefi ekzekutiv i topçinjëve nga Londra ka shtuar: “Arsenali nuk është Arsene Wenger. Nuk janë dy gjëra të njëjta. Ai ka qenë i qartë, por edhe ne gjithmonë kemi qenë të qartë në këtë pikë.”

Arsenal nuk ka fituar titullin e kampionit në Angli (Premier League) që nga stinori 2003/04, ndërsa në garën elite të futbollit europian, Ligën e Kampionëve (Champions League), më së shumti kanë arritur finalen, në stinorin 2005/06.