FERONIKELI - DRITA
Nikli feston me Milicajn
11 October, 2016 @16:54
Skuadra e Feronikelit ka shënuar fitoren e dytë në rresht në Superligë.
Kampioni në fuqi e mposhti në shtëpinë e vet skuadrën e fundit në radhitjen tabelare, Dritën, me rezultat minimal 1-0.
Goli erdhi në minutën 76’ nga Mark Milicaj, i cili ia siguroi tre pikë skuadrës së tij.
Në fakt, Feronikeli kishte raste serioze shënimi edhe në minutat 53’ dhe 54’ me anë të Blerand Kurtishajt, por rastet e tij nuk u realizuan pasi në të parin portieri Artan Latifi ishte në vend të duhur, ndërsa në të dytin shtylla e ndali ndryshimin në rezultat.
Feronikeli e përfundoi takimin në fund me një lojtar më pak, pasi autori i golit në ndeshje, Mark Milicaj, u ndëshkua me kartonin e dytë të verdhë.
Me këtë fitore Feronikeli ngjitet në pozitën e tretë me 15 pikë, ndërsa Drita mbetet e fundosur në tabelë me vetëm 3 pikë të tubuara deri më tani.
