PARA NDESHJES
Sot vazhdon Superliga
11 October, 2016 @10:21
Pas 5 orëve, saktësisht në ora 15:00 nis xhiroja e tetë e Superligës në futboll, ku kampioni aktual, Ferronikeli pret Dritën e Gjilanit në “Rexhep Rexhepi” të Drenasit.
Kjo është edhe ndeshja e vetme e ditës së sotme, derisa të gjitha duelet tjera luhen nesër.
Ferronikeli është në pozitën e shtatë dhe dëshiron që të ngritet edhe më në tabelë, ndërsa Drita me trajnerin e ri Amir Alagic do të kërkojë pikën e parë nën drejtimin e tij, pasi që boshnjaku pas dy xhirove në krye të ekipit, ende nuk ka arritur të fitojë pikë në Superligë.
Drita përndryshe, është e renditur në fund të tabelës me një fitore të vetme, karshi gjashtë humbjeve që i ka.
