SUAREZ
REUTERS
Arsenal refuzohet prapë
24 July, 2013 @9:06
Topçinjtë e Londrës duket se e duan shumë sulmuesin uruguajan të Liverpoolit, Luis Suarez. Aq shumë, sa që një njeri i njohur për mosshpenzime të tepërta si Arsene Wëenger, ka pranuar që të ofertohet Suarez me 40 milionë funta.
Mirëpo, përkundër kësaj, oferta e trajnerit françez të Arsenalit përsëri ka hasur në derë të mbyllur. Liverpool e ka refuzuar atë, raporton sot BBC.
Sipas BBC-së, trajneri i të kuqve, Brendan Rodgers, ka thënë se Suarez vlen së paku sa bashkëlojtari i tij në sulmin e Uruguajit, Edinson Cavani, i cili ditë më parë kaloi nga Napoli në Paris St Germain për 55 milionë funta (63 milionë euro).
Suarez ka shënuar 30 gola për Liverpoolin në stinorin e kaluar.
FAKT:
| Arsenal ka ofertuar saktësisht me 40'000'001 funte për Luis Suarezin, duke bërë në një mënyrë që të gjithë të tallen me Liverpoolin, që është më shumë i interesuar që t'ia shesë Suarezin Real Madridit dhe kërkon për te 55 milionë funte. |
