BEFASIA
Tutto Calcio
Sassuolo fiton TIM Cup 2013
24 July, 2013 @8:37
Skuadra e promovuar këtë stinor në Serie A, Sassuolo, ka fituar trofeun parasezonal TIM Cup 2013, duke e mposhtur Milanin 2-1 në finale.
Milan ishte në epërsi pas golit të të riut Andrea Petagna, por Sassuolo u përgjigj brenda minutave në vazhdim me anë të Gaetano Massucit dy herë për të fituar befasisht trofeun.
Ndeshja për një moment u ndërpre pasi që futbollisti i Milanit, Kevin Constant, doli nga fusha për shkak se pohoi se kishte dëgjuar thirrje raciste nga tifozët kundër tij.
Ndërsa Milan ndeshjen e përfundoi me dhjetë futbollistë në fushë pasi që Bryan Cristante u ndëshkua me kartonin e dytë të verdhë.
Kështu, me fitoren në kohë të rregullt Sassuolo në fund befasisht ngriti trofeun TIM Cup 2013, duke lënë prapa gjigantët italian Juventus, në vendin e dytë, ndërsa Milan në vendin e fundit të turneut.
REZULTATET NË TIM CUP 2013:
| 1 | Milan-Juventus | 0-0 (7-6) pen. | Milan 2 pikë; Juventus 1 pikë; | |
| 2 | Juventus-Sassuolo | 0-0 (4-3) pen. | Juventus 2 pikë; Sassuolo 1 pikë; | |
| 3 | Milan-Sassuolo | 1-2 | Milan 0 pikë; Sassuolo 3 pikë; |
TABELA NË TIM CUP 2013:
| 1 | Sassuolo | 4 pikë | ||
| 2 | Juventus | 3 pikë | ||
| 3 | Milan | 2 pikë |
