Asgjë nga Reali

Një Real shterp, ndërsa Marca e quajti një Real pa futboll. Pa Cristano Ronaldon s’ka futboll në Real. Kështu mund të përshkruhet loja e kampionit aktual të Spanjës, në Pamplona të Osasunës ku u deshën të ndahen pikët pas rezultatit 0-0. 

Jose Mourinho kurseu edhe Mesut Ozilin dhe Karim Benzemanë duke menduar për Kupën e Mbretit, pasi që kampionati shkoi në Kataloni. Mirëpo, ai prapëseprapë u desh që t’i fus këta të dy kah gjysma e pjesës së dytë. Prapë asgjë. 

Real mbetet në vendin e tretë me 37 pikë. 

FAKT: Osasuna është e fundit në tabelën e klasifikimit me 15 pikë nga 19 xhiro. 

REZULTATET: 

Valladolid - Mallorca 3-1

Espanyol - Celta 1-0

Osasuna - Real Madrid 0-0