Atletico historike arrin finalen

Atletico Madrid ka arritur që të mposht Chelsean në Stamford Bridge për të kaluar në finale të Ligës së Kampionëve. Ekipi fantastik i Diego Simeones, pa emra të mëdhenjë në të, ka arritur të tregojë fuqinë e futbollit shpirtëror dhe punës së madhe -  për të elimunar favoritin në letër, Chelsea. 

Fernando Torres i dha epërsinë Chelseat, duke mos e festuar golin e shënuar ndaj ish ekipit të tij ku u rrit e u bë yll, derisa mesfushori i madrilenëve Adrian, ka arritur të barazojë pa përfunduar pjesa e parë dhe për të sjellë avantazhin me barazim me gola. 

E në pjesën e dytë kur pritej më shumë nga Chelsea, Rojiblancot goditën me penalltinë e sulmuesit më të mirë të tyre, Diego Costa, që po përjeton stinorin më të mirë në karrierë për 1-2, derisa turku Arda Turan shënoi 10 minuta pas Costës për shkatërrimin e të kaltërve të Londrës, që mbetën të befasuar nga loja e Atleticos. 

Atletico Madrid ka arritur finalen e parë të Ligës së Kampionëve në histori, derisa në ndeshjen ku do të vendoset më i miri i stinorit për Europën, ata do ta kenë përballë rivalin lokal shumë të famshëm - Real Madrid. 

Për më tepër, Atletico Madrid, është ekipi i vetëm që ende nuk ka pësuar asnjë ndeshje këtë stinor në Ligë të Kampionëve, as si vendas e as si mysafir. 

E ajo çka do të shihet në Lisbonë, në natën finale është e qartë. 

I gjithë Madridi do të jetë aty dhe do të festojë, njëra pjesë.