KINË
Beqiraj vendimtar për ekipin
30 April, 2014 @17:09
Sulmuesi kosovar, Fatos Beqiraj, është ambientuar shpejtë te skuadra e tij kineze, Changchun Yatai.
Futbollisti i cili u transferua në fund të muajit shkurt nga skuadra e Dinamo Zagrebit, ka realizuar golin e tij të tretë në kampionatin kinez.
Beqiraj ishte vendimtar në ndeshjen ndërmjet skuadrave Changchun Yatai dhe Shandong Luneng, pasi shënoi golin e vetëm në ndeshje dhe ia siguroi tre pikë të reja skuadrës së tij.
Reprezentuesi i Malit të Zi realizoi në minutën 85’ të ndeshjes, duke ia shkaktuar humbjen e dytë skuadrës Shandong, në të cilën luan edhe ish futbollisti i CSKA-së, Vagner Love.
Me këtë fitore ekipi i Beqirajt është ngjitur në pozitën e dhjetë në tabelë me gjithsej 9 pikë të tubuara pas nëntë javëve të para sa janë zhvilluar në kampionatin kinez.
