Atlético Madrid do udhëtojë në Camp Nou si lider

Atlético Madrid, mposhti me rezultat minimal 0:1, ekipin e Elches

Kjo fitore e ndihmon shumë ekipin e Simeones, pasi ndeshjen e rradhës e kanë kundër Barcelonës në Camp Nou.

Takimi filloi mirë për “los colchoneros” ku në minutën e 16 të ndeshjes u akordua penallti për ata, por që Suarez nuk arriti të shënojë.

Shtatë minuta më vonë mesfushori spanjoll, Marcos Llorente, arriti të dërgojë në avantazh Atletin.

Kur ndeshja po shkonte drejtë fundit në minutat shtesë një penallti u akordua, por këtë herë për ekipin e Elches, shtylla e mohoi golin e barazimit për vendasit.

Deri sa kanë mbetur edhe katër ndeshje Atlético gjenden në pozitën e parë, me dy pikë më shumë se Real Madridi dhe pesë më shumë se Barcelona që ka një ndeshje më pak, ndërsa Elche gjenden në pozitën e 19 me vetëm 30 pikë.