Atletico shuan shpresat e Barcelonës

Kampioni i Spanjës, Atletico Madrid, ka shuar shpresat e Barcelonës për një transferim të mundshëm të përfolur të mesfushorit, Koke. 

Spanjolli 22 vjeçar sot është konfirmuar të ketë vazhduar kontratën me kampionin e Spanjës, derisa përveç tij edhe mbrojtësi Juanfran ka vazhduar kontratën me Atletico Madridin. 

“Dy futbollistët janë pjesë kyqe e ekipit kuqebardhë dhe vazhdimi i bashkëpunimit me ata është një lajm shumë i mirë për klubin tonë,” shkruan në njoftimin e botuar te faqja zyrtare e klubit madrilen. 

Dyshja ka qenë pjesë e Spanjës në Kampionatin Botëror, që kaluan ditë jo të mira në Brazil dhe pas eliminimit të shpejtë dhe të befasishëm - janë kthyer në shtëpi.