Ballkani kthehet me pikë nga Podujeva

Pa fitues është mbyllur dueli i sotëm mes Llapit dhe Ballkanit në Podujevë, rezultat ky aspak i mirë për skuadrën vendase kur bëhet fjalë për ndjekjen e Feronikelit, liderit të klasifikimit.

Ndeshja filloi shkëlqyeshëm për mysafirët, të cilët kaluan në epërsi përmes Jetmir Topallit që në minutën e 5’. Topalli golin e tij e gjeti pas asitimit nga Almir Ajzeraj, derisa ky gol ishte i vetmi i pjesës së parë.

TABELA AKTUALE

Në 45-minutëshin e dytë, skuadra e Llapit tentoi me çdo kusht që ta barazojë rezultatin, e kjo ndodhi në minutën e 84’, kur Mentor Zhdrella u tregua i saktë nga pika e bardhë dhe i ekuilibroi shifrat.

Më pas, gola të tjerë nuk u shënuan nga asnjëra skuadër dhe ndeshja u mbyll me barazim, rezultat që duket se më tepër i konvenon mysafirëve nga Theranda.