Ballkani merr trajnerin ish-kampion për sezonin 21/22

Skuadra suharekase, Ballkani, para pak çastesh ka bërë të ditur se ka arritur marrëveshje me trajnerin gjilanas, Bekim Isufi, për të drejtuar ekipin në sezonin e radhës.

Isufi, që ishte bërë kampion me Dritën vite më parë, do të merr rolin e timonierit të skuadrës së Ballkanit, të cilët qe dy sezone janë në luftë për titull, por në xhirot e fundit po rrëshqasin nga synimi.

“Ju njoftojmë së timonieri i FC Ballkanit për sezonin 2021/22 është emëruar Bekim Isufi i cili ishte me i përafert sa i përket misionit dhe vizionit të klubit. Duke parë së këto dy komponente janë harmonizuar kemi vendosur qe drejtimin e klubit na aspektin sportiv për edicionin e ardhshëm t’ia besojmë Isufit,” ka shkruar njoftimi i klubit portokallezi nga Suhareka.