Ballkani siguron gjysmëfinalen pas vazhdimeve

Në ndeshjen e zhvilluar në stadiumin me bar sintetik në Gjilan, skuadra e Ballkanit ka triumfuar 0-1 ndaj skuadrës vendase të Kikës.

Koha e rregullt e ndeshjes përfundoi pa gola, ndërsa në vazhdime golin e fitores për Ballkanin e shënoi Edi Maksutaj në minutën e 115’ të duelit, për të kaluar kështu Ballkanin në gjysmëfinale të Kupës.

Sa i përket ndeshjes, ajo kaloi me raste për shënim nga të dyja skuadrat. mirëpo portat mbeten të paprekura deri në minutën e 115’, moment në të cilin u shënua goli i therandasve, që doli të ishte i vetmi gol i përballjes.

SKEMA E KUPËS

Pas Feronikelit e Vëllaznimit, Ballkani është gjysmëfinalisti i tretë i Kupës së Kosovës, ndërsa gjysmëfinalisti i fundit do të kuptohet pas takimit Prishtina vs. Trepça ‘89.