Barazim ndaj Niklit 74, Drita “përshëndetet” me titullin

Barazim pa gola ndaj Niklit 74 sot dhe Drita pothuajse është përshëndetur me titullin kampion për këtë sezon.

Dy xhiro para fundit, skuadra gjilanase ndodhet 6 pikë larg kreut dhe 2 pikë larg vendit të dytë, duke e bërë pothuajse të pamundur arritjen e titullit kampion, duke qenë se mundësitë janë shumë të vogla që Ballkani t’i humbë dy ndeshjet e fundit, si dhe Llapi të mos e fitojë ndeshjen e fundit

TABELA AKTUALE

Pjesa e parë e ndeshjes u mbyll pa gola. Më kërkuese në këtë pjesë ishte Drita, ndërkohë Nikli 74 provonte të rrezikonte herë pas here përmes kundërsulmeve.

Sikur e para, njëjtë u mbyll edhe pjesa e dytë, 0-0 pas 90 minutave lojë, rezultat që Dritës nuk i konvenoi aspak, e Nikli në anën tjetër mbetet në zonën e barazhit, me gjasa ende gjallë për shpëtim direkt.