Barazim në Olimpico, Inter dhe Roma ndajnë pikët

Roma dhe Inter nuk morën asgjë më shumë se një barazim 2-2 sot në Olimpico.

Lorenzo Pellegrini e hapi sfidën në minutën e 17’ dhe me këtë rezultat shkuan në pushim. Në pjesën e dytë Interi u fut me fytyrë tjetër dhe shënoi dy herë me mbrojtësit Skriniar e Hakimi për të permbysur rezultatin. Kur po mendohej se Interi e fitoi takimin, Gianluca Mancini shënoi me kokë për të barazuar shifrat.

Ky barazim i shkon për shtati më së shumti Milanit dhe Juventusit, që po luftojnë për titull bashkë me Interin.