GRUPI F
Foto: UEFA
Barazim në ‘Signal Iduna Park’
27 September, 2016 @22:39
Dueli kryesor i së martës për këtë xhiro të Ligës së Kampionëve është mbyllur me barazim.
Të parët në epërsi kaluan mysafirët me golin e Cristiano Ronaldos, ndërsa Dortmundi bëri presion vazhdimisht dhe goli i barazimit erdhi në fundin e pjesës së parë nga Aubameyang. Në pjesën e dytë përsëri goli i parë u shënua nga madrilenët përmes francezit Varane, ndërsa verdhezinjtë barazuan përmes Schurrles pak para fundit dhe ndeshja u mbyll me rezultat 2-2.
Pas dy xhirove, të dyja skuadrat kanë nga 4 pikë. Në duelin tjetër të Grupit F, Sportingi i Lisbonës ka fituar me rezultat 2-0 ndaj Legias së Varshavës.
