Barça e Real kërkuan Shkodranin

Shkodran Mustafi ka mundësi që të kalojë te Barcelona ose te Real Madridi. Njoftimin e ka dhënë Goal.com sot, duke bërë të ditur se lojtari i përfaqësueses gjermane ka qenë i kërkuar nga dyshja e madhe e futbollit botëror. 

“Ka pasur kërkesë nga Real Madridi. Por bisedimet nuk vazhduan më tutje,” i ka thënë menaxheri i Mustafit, Ali Bulut, Bild-it gjerman. 

“Barcelona ka biseduar për një transfer gjatë afatit dimëror, por ai është i lumtur te Valencia aktualisht. Nëse do të mund të kalonte, gjithçka do të duhej të ishte perfekte,” ka thënë ndër të tjera menaxheri i lojtarit me origjinë nga Gostivari. 

Mustafi bëri emër te Sampdoria dy stinorë më parë, ndërsa me thirrjen në përfaqësuesen gjermane dhe fitimin e titullit të botës në “Brazili 2014” ai kaloi te Valencia që tashmë e ka bërë të njohur në mbarë botën. 

Mustafi është 22 vjeç, luan në qendër të mbrojtjes dhe stinorin e radhës do të luaj në Ligë të Kampionëve me Valencian, pasi që ekipi i tij ka përfunduar si i katërti në La Ligan spanjolle.