Barça në alarm!

Tito Vilanova i cili vitin e kaluar ishte shëruar nga sëmundja e kancerit, sipas gazetës spanjolle, Mundo Deportivo, kjo sëmundje është rikthyer përsëri te trajneri i Barcelonës.

Vilanova është emërtuar kryetrajner i Barcelonës në verë të këtij viti, duke e zëvendësuar Pep Guardiolan, i cili kishte dhënë dorëheqje.

Lajmi për Vilanovan erdhi vetëm pak ditë pasi u mësua se Eric Abidal, i cili po ashtu kishte një kohë të gjatë probleme shëndetësore, mund të rikthehet së shpejti në fushat e blerta.

Në lidhje me Vilanovan ende nuk ka asnjë informatë zyrtare nga klubi i Barcelonës.