ZYRTARE
Barça përforcon mbrojtjen
13 July, 2016 @14:59
Barcelona ka zyrtarizuar përforcimin e radhës para stinorit të ri. Blaugranat kanë arritur marrëveshje për të blerë mbrojtësin e Paris St Germainit, Lucas Digne.
Ekipi kampion i Spanjës ka bërë të ditur se ka paguar 16.5 milionë euro në arkën e PSG-së për transferimin e lojtarit 22 vjeç, ndërsa 4 milionë tjerë mund të shtohen në rast të rezultateve të specifikuara në kontratën e lojtarit.
Digne arrin nesër te Barcelona, ndërsa pas testeve mjekësore do të prezentohet zyrtarisht si lojtar i ri i ekipit katalonas.
Ky është francezi i dytë te Barcelona brenda këtyre ditëve, pas transferimit të Samuel Umtitit nga Lyoni.
