Barça shkel Espanyolin

Barcelona ka vazhduar si Barcelona. Djelmoshat e Tito Vilanovas kanë shkatërruar rivalin lokal të qytetit Espanyolin, e cila po kalon ditë të këqija në La Liga. 

Kthimi i Tito Vilanovas në bankën e Barcelonës pas operimit të suksesshëm nga kanceri i rikthyer i tij, ka lënë mbresa të jashtëzakonshme si te lojtarët, por edhe te të pranishmit e tjerë në ndeshje dhe opinioni i gjërë. 

Përndryshe katalonasit me këtë fitore kanë arritur kuotën e 52 pikëve në La Liga dhe aktualisht kanë 12 pikë më shumë se përcjellësi i parë, Atletico Madrid, që luan sonte më vonë. 

Espanyoli në anën tjetër, ka 15 pikë dhe gjindet në zonën e rrezikshme të La Ligas. 

REZULTATI: 

Barcelona - Espanyol 4-0 (Xavi 10, Pedro 15, 27, Messi 29)