GRUPI B
Baseli i shqiptarëve, eliminon Liverpoolin
9 December, 2014 @22:45
Befasinë më të këndshme të Ligës së Kampionëve, nga faza grupore e ka bërë Baseli.
Me barazimin e sontëm ndaj Liverpoolit në Anfield Road, ekipi ku luajnë dyshja e kuqezinjëve Taulant Xhaka dhe Shkëlzen Gashi, kanë arritur të dalin në 16 ekipet më të mira të kontinentit të vjetër.
Basel morri epërsinë në pjesë të parë përmes Fabian Freit, ndërsa Liverpool që gjysmëorëshin e fundit e luajti me 10 veta (Lazar Markovic, karton i kuq), arriti vetëm të barazojë me një gol të bukur - përshëndetës nga Liga e Kampionëve - të shënuar nga kapiteni i tyre - Steven Gerrard.
Real Madrid në ndeshjen tjetër të grupit, ka shënuar fitore për të arritur maksimalen e 18 pikëve - të gjitha fitore në Grupin B, ku Cristiano Ronaldo përsëri shënoi gol, nga penalltia.
TABELA PËRFUNDIMTARE E GRUPIT B:
| 1 | Real Madrid | 18 pikë | ||
| 2 | Basel | 7 pikë | ||
| 3 | Liverpool | 5 pikë | ||
| 4 | Ludogorets | 4 pikë |
