Cikalleshi në Serie A!

Sulmuesi i kombëtares shqiptare që po shkëlqen në Kroaci me ekipin e Splitit, Sokol Cikalleshi, do të jetë anëtari më i ri i Sampdorias. 

Njoftimin e ka dhënë portali Asport, që bazohet në burime të sigurta të saj. Sipas këtij portali, Cikalleshi ka nënshkruar parakontratë me Sampdorian dhe nga fillimi i vitit të ardhshëm pritet të jetë anëtar i ekipit nga Serie A. 

Sulmuesi kuqezi, këtë verë kaloi nga Kukësi në Split për 100 mijë euro, derisa ekipi kroat kërkonte 4 milionë për kartonin e lojtarit në ndërkohë. 

Trajner i Sampdorias është serbi Sinisa Mihajlovic, derisa në sulmin e këtij ekipi luan edhe talenti i kombëtares italiane që shënoi pikërisht ndaj kuqezinjëve me fat, Stefano Okaka.