Bashkim Shala vendimtar, Vushtrria vazhdon ndjekjen e kreut

Në ndeshjen e luajtur sot mes Vllaznisë dhe Vushtrrisë në Grupin B të Ligës së Parë, fituese doli skuadra mysafire.

Pas pjesës së parë që u mbyll me rezultat të bardhë, Vushtrria fitoren e arriti në pjesën e dytë.

Në minutën e 51’ të ndeshjes, për 0-1 realizoi Bashkim Shala, e me këtë gol Vushtrria u kthye në shtëpi me gjah të plotë.

TABELA AKTUALE

Përkundër fitores sot, Vushtrria edhe më tutje mbetet në vendin e dytë të Grupit B, pasi që edhe Ferizaji e fitoi ndeshjen e vet sot.

Xhiron që vjen Vllaznia i shkon 2 Korrikut në kryeqytet, kurse Vushtrria luan si mysafire e Arbërisë.