RAHOVECI - BASHKIMI
Bashkimi i kthehet fitoreve, triumfon kundër Rahovecit
2 October, 2021 @19:36
Pas humbjes me 2 vazhdime ndaj Prishtinës, Bashkimi arriti fitore kundër Rahovecit me rezultat 82-89.
Skuadra prizrenase çerekun e parë dhe të dytë e mbylli në epërsi me rezultat 37-46, kurse vreshtarët e barazuan rezultatin në çerekun e tretë 63-63.
Në 10 minutëshin e fundit Bashkimi ishte skuadra që gaboi më pak dhe arriti fitoren e dytë të stinorit në Superligë.
Julien Lewis me 27 pikë, 8 kërcime, 4 asistime e 3 topa të rrëmbyer ishte më i dalluari te skuadra prizrenase. Lewis u ndihmua edhe nga Immanuel King me double-double prej 15 pikëve e 10 kërcimeve dhe nga Valon Bunjaku me 12 pikë e 7 asistimeve.
Te Rahoveci ishte i pakapshëm Eric Davis Jr me 43 pikë, 4 asistime e 3 kërcime, u veçuan edhe Nick Banyard me 15 pikë e 13 kërcime dhe Altin Morina me 9 pikë, 11 kërcime e 5 asistime.
Bashkimi aktualisht ngritet në pozitën e tretë me 2 fitore e 2 humbje, kurse Rahoveci ka bilanc prej 1 fitoreve e 3 humbjeve.
Në xhiron tjetër Bashkimi takohet me liderin Trepça, derisa Rahoveci me Prishtinën.
