GRUPI E
Bayern i sigurtë, CSKA befason Cityn
5 November, 2014 @22:25
Bayern Munchen ka siguruar kualifikimin në garat e mëtutjeshme të Ligës së Kampionëve me fitore ndaj Romës.
Ekipi i Pep Guardiolës ka qenë dominant gjatë gjithë ndeshjes, derisa Rudi Garcia çuditërisht ka pushuar në pjesë të parë yjet e ekipit si Miralem Pjanic dhe Yao Gervinho.
Franck Ribery dhe Mario Gotze kanë shënuar nga një gol për pjesë, për të siguruar fitoren, derisa Xherdan Shaqiri është futur nga minuta e 72-të e ndeshjes në vend të Xabi Alonsos, njeriut që vrapoi më së shumti në ndeshje, për minutat sa ishte në fushë.
Befasia
CSKA Moska ka bërë befasinë e javës në këtë grup e më gjërë. Rusët kanë arritur të shënojnë fitore të madhe ndaj Manchester Cityt, duke i mposhtur 1-2 në Etihad, në një natë për tu harruar nga ekipi anglez.
Sulmuesi nga Bregu i Fildishtë, Seydou Doumbia, ka shënuar dy herë në portën e Joe Hart, derisa golin e vetëm për Cityn e shënoi Yaya Toure, që bashkë me Fernandinhon lëshuan ndeshjen para kohe për shkak të kartonëve të kuq.
Ndeshjet e radhës:
| CSKA Moska - Roma | |||
| Manchester City - Bayern Munchen |
GRUPI E:
| 1 | Bayern Munchen | 12 pikë | ||
| 2 | Roma | 4 pikë | ||
| 3 | CSKA Moska | 4 pikë | ||
| 4 | Manchester City | 2 pikë |
