Bayern kërkon Agueron

Sipas njoftimit të britanikes The People, sulmuesi argjentinas i Manchester Cityt, Sergio Aguero është bërë synim i Bayern Munchenit. 

Kampioni aktual europian që po udhëhiqet nga katalonasi Pep Guardiola ka vënë si shënjestër kryesore për stinorin e ardhshëm dhëndrin e legjendës Diego Maradona, i cili është duke vazhduar shkëlqimin e tij në Angli me ‘qytetarët’. 

Sergio Aguero ka qenë arsyeja kryesore e shpalljes kampion të Manchester Cityt dy stinorë më parë në Angli, e i njejti është ende në superformë dhe nuk ndalet së shënuari si për ekipin e tij ashtu edhe në përfaqësuesen e Argjentinës.  

E njëjta informatë është konfirmuar edhe nga portali futbollistik, Goal.