Befasia vjen nga Basel

Këtë askush nuk do ta kishte paramenduar. Bile, as tifozi më i flaktë i Baselit. Chelsea përkundër lojës jo premtuese arriti epërsinë në fund të pjesës së parë të ndeshjes, me anë të Oscarit, i cili u asistua nga Frank Lampard mjeshtërisht. 

Derisa në pjesën e dytë pritej shpërthimi i londinezëve që kishin nisur në sulm me Samuel Eto’on e më vonë për herë të parë u inkuadrua edhe Juan Mata e Demba Ba - ata pësuan. Dhe jo njëherë, por dy. 

Egjiptiani Mohamed Salah dhe sulmuesi me përvojë, Marco Streller kanë shënuar 20 dhe 10 minuta para përfundimit të takimit për të bërë befasinë e natës, e pse jo edhe të xhiros së parë të Ligës së Kampionëve. 

Dyshja shqiptare e Baselit, Arlind Ajeti dhe Taulant Xhaka u futën në lojë në minutat 82 dhe 88 respektivisht për të mbrojtur rezultatin pozitiv për ekipin e tyre. 

Kjo ka qenë humbja e tretë e Jose Mourinhos me radhë me Chelsean, pas asaj ndaj Bayernit në Superkupën europiane dhe Evertonit në Premier League. 

Në ndeshjen tjetër të grupit nuk kishte befasi, por fitorja e Schalkes morri pak kohë derisa japonezi Atsuto Uchida shënoi golin e parë, që pastaj vazhdoi me Kevin-Prince Boateng dhe Julian Draxler për fitoren e mbretërve të kaltër 3-0 ndaj rumunëve të Steauas. 

LIGA E KAMPIONËVE, Grupi E: