GRUPI F

eurosport

Napoli euforik arrin fitoren

18 September, 2013 @22:54

Rafael Benitez ka filluar me tre pikë Ligën e Kampionëve me Napolin. San Paolo ka kumbuar sonte me brohoritjet të cilat thërrisnin kohën e Diego Maradonës në Napoli.

E Gonzalo Higuain ka shënuar si një ujk me kokë në pjesën e parë të ndeshjes, derisa më vonë portieri i gjermanëve, Roman Weidenfeller, u ndëshkua me karton të kuq për të lënë nënkampion europian me dhjetë lojtarë në fushë.

Por, kjo nuk e trembi aspak Jurgen Kloppin i cili edhe me dhjetë veta në fushë, nxorri Matts Hummelsin dhe futi Pierre Emerick Aubumeyangun, për të treguar se çka është Borussia.

Më pas Lorenzo Insigne ka shënuar mjeshtërisht nga gjuajtja e lirë, për të ngritur Napolin në delir. Derisa kah fundi përkundër rasteve Borussia nuk arriti të shënojë më shumë se njëherë në portën e italianëve për rezultatin përfundimtar 2-1.

Valon Behrami ka qenë shqiptari i vetëm në këtë ndeshje, që ka bërë pjesë për 90 minuta në mesfushën e Napolit.

Në ndeshjen tjetër, gjithashtu interesante të grupit, Arsenali nuk e ka pasur vështirë të mposht Marseille-in. Golat kanë ardhur në pjesën e dytë, kur Theo Walcott dhe Aaron Ramsey kanë shënuar për ekipin e Arsene Wengerit, derisa në sekondat e fundit të ndeshjes Jordan Ayew nga penalltia shënon për rezultatin përfundimtar 1-2.