‘Lufta’ vazhdon

Nënkampioni aktual i Europës, Borussia Dortmund, do të bëj njërin ndër tre udhëtimet e vështira, sonte në San Paolo të Napolit. Gjermanët përkundër ekipit të renovuar sadopak, pritet të kenë punë të vështirë ndaj napolitanëve euforik dhe në formë. 

Ardhja e transfereve nga Real Madridi si dhe udhëheqja nga Rafael Benitez, ka bërë Napolin nga një skuadër që luftonte për krye, skuadër me mentalitet fitues - gjë që po vërehet edhe në xhirot e para të Serie A, ku të kaltërit e detit Tiren, nuk po dijnë për humbje pikësh. 

Ndeshja tjetër e këtij grupi, pritet të jetë gjithashtu interesante. Olympique Marseille ndaj Arsenalit. Këto dy skuadra janë takuar edhe rishtazi në Ligën e Kampionëve, ku londinezët kanë qenë më të mirë në duele ndaj marsejezëve, por përballjet mes tyre gjithmonë janë interesante për shkak të lojës që aplikojnë. 

Në Grupin E, Schalke dhe Chelsea nuk pritet të kenë probleme ndaj Steauas dhe Baselit, respektivisht. Ato edhe janë favorite për të kaluar përpara nga ky grup. 

Grupi G, vë përballë Austria-Porto dhe Atletico-Zenit; Dy luftëra të ndryshme europiane. Derisa Porto, Atletico Madrid dhe Zenit St Petersburg, luftojnë për të dalë nga grupi, Austria do të tentojë të fitojë ndonjë pikë dhe eventualisht të arrijë vendin e tretë. 

Grupi H që ndryshe quhet Grupi i kampionëve dhe ai i vdekjes, pritet të jetë më interesanti nga të gjithë. Katër skuadra që kanë qenë kampione të Ligës së Kampionëve. Katër skuadra që përkundër lëkundjeve në histori janë gjithmonë të rrezikshme do të luftojnë për dy vendet e para në këtë grup. 

Sonte, Barcelona pret Ajaxin, derisa Milan Celticun. Përkundër se Barcelona llogaritet si favorite nga bastoret, grupi mund të merr edhe kahje krejt tjetër nga Celticu është në ngritje bashkë me Ajaxin dhe Milanin. 

LIGA E KAMPIONËVE, Sonte: