Flijohet për klubin

Milan ka lëshuar një njoftim në faqen e tij zyrtare ku bën të ditur se transferi i ri i tyre Riccardo Leite Kaka ka marrë një lëndim në ndeshje ndaj Torinos në fundjavë që do ta lë atë jashtë fushave për dhjetë ditë. 

Kështu, ai do të mungojë në ndeshjen e Ligës së Kampionëve ndaj Celticut, ndërsa mediat italiane spekulojnë se lëndimi i tij mund ta lë atë jashtë fushave deri në një muaj. 

Sidoqoftë, për të treguar dashurinë e madhe ndaj klubit, mesfushori brazilian ka vendosur që të mos pranojë asnjë pagë derisa të kthehet nga lëndimi. 

“Unë në Milan jam për shkak se e dua atë. Nuk do të pranojë asnjë cent derisa nuk luaj për klubin,” ka thënë ai ndër të tjera raportojnë mediat italiane sot përcjellë kanali Eurosport. 

Milan në tre ndeshjet e para të Serie A-së ka regjistruar një fitore, një barazim dhe një humbje. Rossonerët ia nisin kampanjën e Ligës së Kampionëve ndaj Celticut, derisa në grup kanë kundërshtarë si Barcelona dhe Ajaxi.