GRUPI C
REUTERS
Mbretërit pushtojnë Stambollin
17 September, 2013 @23:50
Përkundër insistimit të turqëve në minutat e para të takimit, Real Madrid ka treguar dhëmbër sa herë i është dhënë rasti dhe ka arritur të shënojë fitore të thellë sonte në Stamboll.
Super ylli portugez, Cristiano Ronaldo, ka shënuar hat-trick si dhe ka regjistruar një asistim në fitoren prej 1-6 si mysafir në Stamboll. Golat tjerë për madrilenët e Carlo Ancelottit erdhën nga Isco dhe Karim Benzema (2).
Golin e nderit për turqit e shënoi zëvendësuesi Umut Bulut, kur gjithçka kishte përfunduar në ndeshje.
Transferi 100 milionësh i Real Madridit, Gareth Bale, hyri në ndeshje në pjesën e dytë, për t’ia bërë sefte me Realin Ligës së Kampionëve, derisa Iker Casillas që ia nisi ndeshjes nga minuta e parë, u desht ta lë fushën që në minutën e 15-të për shkak të lëndimit.
Në ndeshjen tjetër të grupit, Kobenhavn befasoi Juventusin duke e mbajtur në barazim 1-1. Danezët erdhën heret në epërsi në saje të Nicolae Jorgensen, ndërsa në pjesën e dytë barazoi Fabio Quagliarella.
LIGA E KAMPIONËVE, Grupi C:
| 1 | Real Madrid | 3p | ||
| 2 | Juventus | 1p | ||
| 3 | Kobenhavn | 1p | ||
| 4 | Galatasaray | 0p |
