Belgjika me goleadë në TOP 16

Pas fitores në ndeshjen e parë të Botërorit me rezultat bindës 3-0, Belgjika ka vazhduar me ritëm të njejtë edhe ndaj Tunizisë sot, duke i mposhtur veriafrikanët me rezultat 5-2.

Dy fitore nga dy ndeshjet e para, kualifikoi Belgjikën në 16 ekipet më të mira të Botërorit që tash, ndërsa në përballjen e fundit, që është edhe derbi i grupit, ndaj Anglisë, do të luftohet për vendin e parë.

ORARI dhe TABELAT

Sa i përket lojës, Eden Hazard hapi serinë e golave për Belgjikën nga penalltia, 1-0. Më pas Romelu Lukaku ngriti epërsinë në 2-0, ndërsa tunizianët kthyen shpresat me golin e shpejt të Dylan Bronnit, 2-1.

Por, Lukaku i disponuar nuk la shokët të shkojnë në pushim nën ethe, duke shënuar për 3-1 në kohën shtesë së pjesës së parë. Në pjesën e dytë Hazard dhe zëvendësuesi i tij, Mitchy Batshuayi shënuan për 5-1, para se Walid Khazri përcaktoi përfundimtaren 5-2.