Benfica triumfon në Rusi

​Derbi mes dy teknikëve portugezë, Villas Boas e Vitorias, i takoi këtij të fundit, me Benficën që e eliminoi Zenitin në ndeshjen kthyese të zhvilluar në Saint Petersburg. Ndeshja e parë në Portugali përfundoi me rezultat 1-0 në të mirë të vendasve, kurse portugezët arritën fitore edhe në ndeshjen kthyese dhe kështu e siguaruan kualifikimin për në çerekfinale. 

Epërsinë për vendasit e krijoi braziliani Hulk, mirëpo kur u mendua se ndeshja do të shkonte në vazhdime, ishte Nicolas Gaitan ai i cili 5 minuta para fundit shënoi në portën e zbrazur për ta mbyllur dilemën e skuadrës së kualifikuar. Pas golit të barazimit, skuadra ruse u dorëzua dhe kjo i mundësoi mysafirëve të shënonin edhe një gol në fund të takimit përmes brazilianit Talisca.

Pas Realit e Wolfsburgit, Benfica është skuadra e tretë çerekfinaliste deri më tani.

Goal Nicolas Gaitan  ~Zenit St… by worldtvhd1