Beqiraj shënon për Dinamon e pafat

Fatos Beqiraj ka shënuar një gol në minutën e 20-të për Dinamon e Zagrebit sonte. Gol ky që i dha shpresa ekipit kroat për fazën e dytë të Europa League, derisa në ndeshjen e fundit në grup do të luanin si vendas. 

Por, e tërë shpresa kroate ra në ujë në dhjetëminutëshin e fundit, kur ekipi ukrainas Chernomorets ka shënuar dy herë për të fituar ndeshjen dhe për t’i shuar edhe ato pak fijet e shpresës që u dha Beqiraj. 

Kanë qenë Aleksey Antonov dhe Anatoliy Didenko që kanë shënuar për ekipin ukrainas dhe fitoren e tyre në sekondat e fundit të ndeshjes. 

Me këtë humbje, Dinamo ka përfunduar gjasat për kualifikim dhe për më tepër është ngujuar në fund të tabelës së Grupit B të Europa League me vetëm një pikë nga pesë ndeshje. Ludogoretsi bullgar është lider me 13 pikë, derisa PSV holandeze dhe Chernomoretsi i Odessës ukrainase me nga 7 pikë, do të luftojnë betejën e fundit në xhiron e fundit.