Berisha debuton për Melbourne-in

Besart Berisha ka debutuar për skuadrën e tij të re, Melbourne Victory.

Ish golashënuesi më i mirë në Australi ishte titullar në ndeshjen e parë përgatitore para stinorit të ri, që u luajt kundër skuadrës Bentleigh Greens.

Berisha pati paraqitje të mirë duke u treguar disa herë i rrezikshëm para portës kundërshtare, edhe pse nuk arriti ta gjejë rrugën e golit për ta stolisur paraqitjen e tij të mirë. Megjithatë, skuadra e tij në fund shënoi fitore të lehtë me rezultat 3-0.

Berisha ishte transferuar këtë verë në Melbourne Victory nga skuadra Brisbane Roar, për të cilën kishte luajtur për tre edicione me radhë.