VALON BERISHA
Berisha shpreson në kundërsulme
30 August, 2017 @10:09
Mesfushori më i mirë i përfaqësueses së Kosovës, Valon Berisha, në deklarataën e tij para ndeshjes me Kroacinë ka thënë se Kosova do të tentojë të befasojë Kroacinë, nëse është e mundshme përmes kundërsulmeve.
“Na pret një duel i vështirë. Kroacia ka një ekip të jashtëzakonshëm, por neve na mbetet të punojmë dhe të angazhohemi me të gjitha forcat që të ndalim sulmet e kroatëve dhe eventualisht t’i kundërpërgjigjemi me kundërzbritje. Kemi një atmosferë të mirë dhe kjo na bën të shpresojmë për rezultat të mirë,” ka thënë Berisha që luan për Salzburgun në Austri.
Valoni është ndër futbollistët më me përvojë të përfaqësueses së Kosovës. Kroacia pret Kosovën më 2 shtator në Maksimir të Zagrbit.
Duelin e parë në Shkodër, e kishte fituar Kroacia 6-0.
