Hasani: Pres përkrahje të madhe

Mesfushori i përfaqësueses së Kosovës U21, Florent Hasani, në deklaratën e tij para ndeshjes ndaj Norvegjisë U21, ka thënë se pret përkrahje të madhe nga publiku vendas gjatë kësaj ndeshjeje.

”Është ndeshja e parë që luajmë në shtëpinë tonë dhe jemi shumë të motivuar për sfidën me Norvegjinë. Jemi duke u përgatitur maksimalisht në mënyrë që ato gabime të vogla që na kanë kushtuar shumë në ndeshjen e parë t’i evitojmë. Pres që të kemi përkrahje të madhe nga tifozët në këtë ndeshje, sepse kemi nevojë për një gjë të tillë dhe shpresoj që edhe rezultati do të jetë i mirë,” ka thënë Hasani për faqen zyrtare të Federatës.

Kosova U21 - Norvegjia U21 zhvillohet të premten me fillim në ora 19:00 në Adem Jashari të Mitrovicës.