Bersant Celina: Të luajmë si skuadër, mënyra e vetme për sukses

Pas fitores 2-1 ndaj Millwallit në fundjavë, për faqen zyrtare të klubit të Swanseat foli Bersant Celina, prizrenasi që te kjo skuadër u transferua nga Manchester City.

“Mbetëm me një lojtar më pak pas pak minutave, gjë që nuk e pritëm, mirëpo reaguam mirë dhe luajtëm si skuadër, gjë që rezultoi pozitivisht dhe e fituam takimin.

Lojtarët, stafi dhe fansat - të gjithë ishim të bashkuar dhe fitorja erdhi. Festimi i fitores në fund nuk mund të përshkruhet me fjalë. Kur i pamë fansat, të cilët ishin fantastikë gjatë gjithë ndeshjes, aq të lumtur, ishte ndjenjë fantastike për ne.

Kjo fitore ishte e rëndësishme sepse erdhi pas humbjes së pësuar në shtëpi nga Bristoli dhe ne duhet të vazhdojmë me rezultate pozitive edhe pas pushimit të kombëtareve, por kjo do të ndodhë vetëm nëse jemi të bashkuar dhe vazhdojmë të luajmë si skuadër.”- u shpreh Celina.

Pas 6 ndeshjeve në Championship, Swansea ndodhet në vendin e shtatë me 3 fitore, 2 barazime dhe 1 humbje.