KUNDËRSHTARI
Besiktas me mungesa ndaj Skenderbeut
14 September, 2015 @10:03
Në ndeshjen ndërmjet Skenderbeut dhe Besiktasit që do të luhet të enjtën më 17 shtator në Elbasan Arena, skuadra turke do të ketë mungesa në përbërje.
Në një njoftim të dhënë nga klubi, thuhet se mesfushori i kësaj skuadre, Oguzhan Ozyakup, nuk do të jetë në dispozicion të trajnerit për ndeshjen kundër Skenderbeut, pas lëndimit të pësuar në ndeshjen kundër skuadrës së Sokol Cikalleshit, Istanbul Basaksehir.
Ndeshja ndërmjet Skenderbeut dhe Besiktasit do të jetë historike për ekipin korçar, pasi që do të jetë ndeshja e parë grupore në garat Europiane për një skuadër shqiptare.
