Beson në fitore të Kosovës dhe tregon dallimin në PremierLeague

Krahu ofanziv i Kosovës, Milot Rashica, që nuk udhëtoi në Gjeorgji për shkak të rregullave ndaj Covid-19 nga Britania e Madhe, në ndeshjet e ardhshme mund të luajë për Kosovën.

Ai ka thënë në konferencë për shtyp se beson në fitore, pas performancës së mirë ndaj Gjeorgjisë që treguan bashkëlojtarët e tij, ndërsa është pyetur edhe për Premier Ligën angleze, pasi që tashmë ka kaluar te ekipi Norwich City.

ORARI I NDESHJEVE dhe TABELA AKTUALE

“Tash jemi në një situatë krejt tjetër prej ndeshjeve të kaluara. Besoj që ndeshja me Gjeorgjinë ka treguar mjaft dhe mundësitë për të dalë me rezultat pozitiv në këtë përballje janë të mira. Në këto ndeshje vendosin detajet e vogla,” ka thënë Rashica fillimisht.

Ndërsa sa i përket Premier Ligës ka thënë se është krejt tjetër nga ligat ku ka luajtur ai deri tash, si Bundesliga e Eredivisie.

ORARI I NDESHJEVE dhe TABELA AKTUALE

“Në Premier League është intensitet i madh. Janë komplet ushtrime tjera në dallim prej ligave tjera ku kam luajtur si Bundesliga apo Holanda. Unë për veti jam i përgatitur. Gjithsesi, fitorja e fundit ndaj Gjeorgjisë na jep shpresë të luftojmë për të arritur fitoren. Fitorja na ka ka kthyer vetëbesimin për arritje të rezultatit, “ ka përfunduar vushtrriasi bisedën me gazetarët në konferecën për shtyp para ndeshjes me Greqinë.