Mavropanos: Jemi këtu për të fituar!

Mbrojtësi i ri i Greqisë, 23-vjeçari Konstantinos Mavropanos në konferencën për shtyp që po mbahet aktualisht në ambientet e stadiumit Fadil Vokrri ka thënë se Greqia ka ardhur për fitore këtu.

Ai nuk ka thënë se cili është lojtari më i rrezikshëm i Kosovës, kur u pyet, ndërsa ka thënë se e njohin mirë ekipin dhe nuk e veçojnë askë.

TABELA AKTUALE dhe ORARI I NDESHJEVE

“Nuk do të veçojë emra. Por e dimë që ekipi i Kosovës është i fortë dhe duhet ballafaquar në fushë deri në fund për të treguar fuqinë në ndeshje,” ka thënë ai.

Pas fitores ndaj Gjeorgjisë, Kosova është e motivuar më shumë ndoshta.

“Ne jemi këtu për të fituar. Jemi përgatitur shumë mirë për të fituar dhe e dimë çka do të duhet të bëjmë në ndeshje. Prej këtu do të dalim me tri pikë,” ka shtuar futbollisti i Stuttgartit, Mavropanos.

TABELA AKTUALE dhe ORARI I NDESHJEVE

Në fund, mbrojtësi grek është pyetur për ndeshjen në përgjithësi se si pret të shkojë ajo.

“Jemi më të mirë se Kosova, por në fushë secila ndeshje për ne është si finale. Do të luftojmë të dalim fitues nga kjo ndeshje,” ka thënë në fund mbrojtësi i Greqisë, që karrierën e ka nisur te PAS Giannina për të vazhduar te Arsenal, pastaj Nurnberg dhe për të arritur te Stuttgarti.