Betim Halimi ka oferta, por pret Dritën

Njëri ndër portierët më të dalluar në Kosovë, Betim Halimi, është në pritje të plotësimit të kushteve nga Drita, për të vazhduar kontratën me klubin.

Halimi i cili u rrit në klubin e Vllaznisë së Pozharanit, tash 21 vjeç, është edhe portier i reprezentacionit të Kosovës, ndërsa ka luajtur rol të rëndësishëm në sigurimin e mbijetesës për ekipin bardhekaltër nga Gjilani.

I kontaktuar nga Borozani.com, Halimi nuk ka dashur të flasë shumë, pasi që gjendet në pushim në Turqi, por ka thënë se nëse Drita nuk arrin t’i plotësojë kushtet e tij, atëherë ai do të shqyrtojë ofertat tjera nga Superliga e Kosovës dhe e Shqipërisë.

Ndërkaq Drita, në faqen zyrtare të saj ka bërë të ditur se është e vendosur të vazhdojë bashkëpunimin me disa lojtarë të saj, në mesin e të cilëve është edhe Halimi.